--------------------------------------------------------------------------------
السلام عليكم ورحمة الله وبركاته
اول شيئ مسكته من اول ما دخلت كلية العلوم في اول سكشن هو الميكروسكوب. الميكروسكوب مهم جدا في كل معمل تحاليل ولكن الاهم هو كيفية التعامل معه في العينات المختلفة
ففي تحليل البراز تتعامل معه غير تحليل البول غير تحليل صورة الدم غير تحليل الحيوانات المنوية غير تحليل البكتريا المسببه للامراض (مثل تحليل الدرن في البصاق) وغيره
انا مش هتكلم على العدسات الشيئية او العينية زي ما الناس كلها بتبدأ شرح الميكروسكوب بكده لكن انا هتكلم عن حاجة في غاية الاهمية ولو عرفتها تستخدمها في العينات المناسبة ستصبح خبير في الميكروسكوب
المكثف هو سر الميكروسكوب : ودي احسن اوضاعه للتحاليل الاتية
1- تحليل البراز : افتحه حاجة بسيطة خالص وزود الاضاءه
2- تحليل البول: اقفله خالص, لكن لو شكيت في املاح اوكسالات افتحه شوية بسيطة وزود الاضاءه
3- تحليل صورة الدم: اقفله خالص ولما تفحص بالعدسة 40 افتحه حاجة بسيطة جدا لكن في عد الصفائح افتحه كمان شوية
4- تحليل فيلم الدم : افتحه على الاخر وافتح الاضاءه على الاخر
5- تحليل البصاق: افتحه على الاخر وافتح الاضاءه على الاخر
6- تحليل الحيوانات المنوية : اقفله خالص لكن في العد افتحه شوية
7- تحليل السائل المهبلي: جرب تفحص وهو مغلق وعيد الفحص وهو مفتوح نصه
8- تحليل سائل البروستاتا: (ياتارا عارفين هجيبو سائل البروستاتا ازاي؟ لوحده ) افتحه كله وزود الاضاءه
9- تحليل عينة من جدار المستقيم او القولون: مثل تحليل البراز
10- تحليل الملاريا او التريبانوسوما : افتح نصفه
11- تحليل الظافر او قشرة الشعر او الجلد: (طبعا بعد لما تهيئ العينة لكده, وتصبغ) هتجرب مرة وهو مقفول ومره وهو نصف مفتوح
الحاجات دي ياجماعة مش في كتاب دي خبرة شخصية عن تجربة وهتشوف الفرق